ՀՀ վարչապետ Նիկոլ Փաշինյանն այսօր լրագրողների հետ զրույցում մեկնաբանել է Ադրբեջանի փոխվարչապետ Շահին Մուստաֆաևի այցը Հայաստան։ Վարչապետը շեշտել է, որ այցի մասին նախապես չհայտարարելը պայմանավորված է եղել բացառապես անվտանգության նկատառումներով՝ հիշեցնելով, որ նույնպիսի գաղտնիության կանոններ են պահպանվել նաև ՀՀ փոխվարչապետի՝ Ադրբեջան կատարած այցի ժամանակ։
Փաշինյանը տեղի ունեցածը որակել է որպես «պատմական հանգրվան» խաղաղության գործընթացի համատեքստում։ Ըստ կառավարության ղեկավարի՝ փոխադարձ այցերը խոսում են հարաբերությունների ինստիտուցիոնալացման մասին։ «Ուրախ եմ, որ եկել ենք այս հանգրվանին»,-նշել է նա՝ հավելելով, որ չնայած լրատվական արտահոսքերը երբեք հնարավոր չէ բացառել, նման մակարդակի հանդիպումները կարևոր են երկխոսության շարունակականության համար։
