Հակակոռուպցիոն կոմիտեն ավելի վաղ հայտնել է, որ ձերբակալվել են Ռոբերտ Քոչարյանը և նրա որդին՝ Սեդրակ Քոչարյանը, նաև հանցավոր սխեմաներում ներգրավված այլ անձինք: Վաղ առավոտյան Ռոբերտ Քոչարյանին տեղափոխել են Հակակոռուպցիոն կոմիտե՝ ենթադրյալ կոռուպցիոն բնույթի հանցագործությունների դեպքերով քննվող քրեական վարույթով։
Նաև խուզարկություն է իրականացվել «Հայաստան» խմբակցության պատգամավոր Լևոն Քոչարյանի բնակարանում։ Քննչական կոմիտեից «Լուրերին» հայտնել են, որ քրեական վարույթով քննչական և վարութային գործողություններ են իրականացվում «Օրանժ ֆիթնես» ակումբում և «Փլեյ սիթի» զվարճանքի կենտրոնում, տնօրենների բնակարաններում։ Վարույթի վերաբերյալ մանրամասներ է ներկայացրել Հակակոռուպցիոն կոմիտեն:
