Meta-ն հայտարարել է Instagram-ում նոր անվտանգության միջոցների ներդրման մասին՝ երեխաների մասնակցությամբ և դեռահասների համար նախատեսված հաշիվների պաշտպանության նպատակով։
Երեխաներով էջեր (օրինակ՝ ընտանեկան վլոգերներ, kidfluencer-ներ) կտեղադրվեն ամենախիստ հաղորդագրությունների կարգավորումներում և կօգտագործեն վիրավորական մեկնաբանությունները զտող «Թաքնված բառեր» գործառույթը։
Կասկածելի մեծահասակները այլևս չեն կարողանա հեշտությամբ գտնել նման էջերը՝ ոչ որոնման, ոչ առաջարկությունների միջոցով։
Դեռահասների համար ավելացվել են նոր գործառույթներ՝
պրոֆիլի միացման ամսաթիվը կերևա նոր զրույցներում,
հասանելի է միաժամանակ «արգելափակել և հաղորդել» տարբերակը,
գործարկվել են անվտանգության հիշեցումներ՝ հաղորդագրությունների ռիսկի մասին։
Ըստ Meta-ի՝
Հունիսին դեռահասները 1 միլիոն անգամ արգելափակել և նույնքան էլ հաղորդել են վտանգավոր հաշիվներ,
Մերկության պաշտպանիչ ֆիլտրը միացված է օգտատերերի 99%-ի մոտ։
Meta-ն նշում է, որ շարունակելու է ներդնել նոր մեխանիզմներ՝ երեխաների շահագործումը կանխելու համար։
