Honda-ն պատրաստվում է Japan Mobility Show 2025-ին՝ նոր սերնդի մոդելներով

Ցուցադրությանը Honda-ն արդեն ներկայացրել է իր առաջին թիզերները։ Նկարում երևում են ինը ուրվագիծ, որոնցից մի մասը արդեն հայտնի է հանրությանը, սակայն մի քանի նոր մոդել ընկերությունը պահում է գաղտնի։

Honda-ն պաշտոնապես հաստատել է Honda 0 Series Saloon և SUV էլեկտրական մոդելների մասնակցությունը։ Դրանք նոր սերնդի մեքենաներ են, որոնց թողարկումը նախատեսվում է 2026 թվականին։ Նախ առաջինը սերիական արտադրության դուրս կգա քրոսովերը, որի արտադրությունը կազմակերպվելու է Օհայոյում։ Թիզերում դրանց կողքին նկատվում է նաև երրորդ ուրվագիծը, ինչը վկայում է, որ Honda-ն կարող է պատրաստել ևս մեկ նոր էլեկտրամոբիլ։

Շոուի գլխավոր դեբյուտը լինելու է վերածնված Honda Prelude-ի սերիական տարբերակը։ Նկարում երևում են երկու կուպե, ինչը հարցեր է առաջացնում։ Երկրորդ տարբերակը կարող է լինել Sports Style, կամ սև տանիքով և լրացուցիչ հագեցվածությամբ ON Limited Edition, իսկ հնարավոր է նաև այն խորհրդավոր Prelude Type R-ը, որի մասին վաղուց խոսակցություններ կան։

Հավաստիացվել է նաև Honda N-One e: էլեկտրական մոդելի ցուցադրությունը։ Այն առաջին անգամ ցուցադրվել էր մեկ ամիս առաջ։ Հնարավոր է նաև, որ ներկայացվի սպորտային տարբերակ, որը մոտ է Super EV պրոտոտիպին։ Ճապոնական մամուլը սպասում է նաև Vezel e:HEV RS քրոսովերի և հիբրիդային CR-V e:HEV մոդելի շնորհանդեսին, որը դեռևս հասանելի չէ Ճապոնիայում։

Ավտոմեքենաներից բացի, Honda-ն Տոկիոյում կցուցադրի յոթ նոր մոտոցիկլ։ Դրանց շարքում առանձնանալու են էլեկտրական CUV e:-ն և Rebel 1100 S կրուիզերը, որն ունի ավտոմատ DCTփոխանցման տուփ։ Ներկայացվելու են նաև էներգետիկ սարքավորումներ և նույնիսկ ինքնաթիռ։ Ցուցասրահում կլինի HondaJet Elite II բիզնես-ջեթի լիաչափ սրահի մոդելը։

Honda-ն մանրամասները կբացահայտի աստիճանաբար։ Հաջորդ թարմացումը սպասվում է սեպտեմբերի վերջին։ Սա նշանակում է, որ մինչև ցուցահանդեսի բացումը ընկերությունը դեռ շատ անակնկալներ ունի իր երկրպագուների համար։