Աշխատանքի և սոցիալական հարցերի նախարարությունը հայտարարել է դրամաշնորհային մրցույթ՝ «Հաշմանդամություն ունեցող անձանց շուրջօրյա խնամքի ծառայություներ համայնքահենք փոքր խմբային տներում» միջոցառման իրականացման նպատակով:
Մրցույթին կարող են մասնակցել հոգեկան (մտավոր) առողջության ոլորտում մասնագիտացված, համապատասխան մասնագետներով համալրված, ինչպես նաև համայնքահենք փոքր խմբային տներում հաշմանդամություն ունեցող անձանց շուրջօրյա խնամքի ծառայություններ մատուցելու առնվազն մեկ տարվա փորձ ունեցող կազմակերպությունները։
Ծառայություններից կարող են օգտվել կյանքի դժվարին իրավիճակում հայտնված, կացարանի և խնամքի ծառայությունների կարիք ունեցող 18 տարին լրացած հաշմանդամություն ունեցող այն անձինք, որոնց ինքնասպասարկման ունակությունները հիմնականում պահպանված են, սակայն կամ չունեն կացարան ու ընտանիք, կամ ընտանիքը հրաժարվել է նրանց խնամքից:
Հայտերն ընդունվում են 2025 թ․ հոկտեմբերի 14-ը ներառյալ։
