Եվրասիական միջկառավարական խորհրդի անդամների (Ռուսաստան, Բելառուս, Ղազախստան, Ղրղզստան) պատրաստած զեկույցի համաձայն՝ Եվրասիական տնտեսական միությունից (ԵԱՏՄ) դուրս գալու սցենարի դեպքում Հայաստանի համար գազի ներմուծման արժեքը կաճի 69%-ով։ Արդյունքում տարեկան ծախսը $389 միլիոնից կհասնի 657.5 միլիոն դոլարի (աճը՝ 268.5 միլիոն դոլարով)։
Ինչու է դա կարևոր. Հայաստանի էներգետիկ անվտանգությունն ու ներքին սակագները մեծապես կախված են ԵԱՏՄ շրջանակում գործող արտոնյալ գազային գնագոյացումից: Միությունից դուրս գալու դեպքում ռուսական գազի գնի հնարավոր վերանայումն անմիջական ազդեցություն կունենա երկրի մակրոտնտեսական ցուցանիշների, արտադրական ծախսերի և բնակչության կենսամակարդակի վրա։
Հաշվարկների մանրամասներն ու ելակետային տվյալները.
Գործող բազային գինը. Ներկայումս ԵԱՏՄ շրջանակներում Հայաստան ներկրվող գազի բազային արժեքը կազմում է 177.5 դոլար՝ 1,000 խորանարդ մետրի դիմաց։
Հնարավոր նոր գինը. Զեկույցում ներկայացված սցենարային գնահատականը հիմնված է միջազգային/շուկայական 300 դոլար գնի վրա՝ 1,000 խորանարդ մետրի դիմաց (մատակարարումների ֆիզիկական ծավալների պահպանման պայմաններում):
Ֆինանսական ազդեցությունը.
Ներկայիս տարեկան ծախս՝ 389 մլն դոլար։
Կանխատեսվող տարեկան ծախս՝ 657.5 մլն դոլար։
Լրացուցիչ ֆինանսական բեռ՝ 268.5 մլն դոլար (+69%)։
