Սեպտեմբերի 17-ին Կենտրոնական բանկում կայացել է Արժույթի միջազգային հիմնադրամի հայաստանյան առաքելության պատվիրակության այցի բացման հանդիպումը։
Հանդիպման ընթացքում քննարկվել են Հայաստանի տնտեսության ներկայիս զարգացումները, դրամավարկային և մակրոպրուդենցիալ քաղաքականության առաջնահերթությունները, ինչպես նաև գլոբալ և տարածաշրջանային միջավայրում առկա ռիսկերը և դրանց հնարավոր ազդեցությունը երկրի ֆինանսական համակարգի վրա։
Կողմերը նաև կարևորել են Արժույթի միջազգային հիմնադրամի հետ շարունակական համագործակցությունը՝ ի նպաստ Հայաստանի մակրոտնտեսական կայունությանն ու ֆինանսական շուկայի զարգացմանը։
