ՀՀ կառավարության որոշմամբ ԿԳՄՍ նախարարությանը 2023 թվականի պետական բյուջեով հատկացված միջոցների միջև կատարվել է վերաբաշխում 68 մլն 242 հազար դրամ գումարի շրջանակում: Գումարն ուղղվել է «Ալ. Սպենդիարյանի անվան օպերայի և բալետի ազգային ակադեմիական թատրոն» ՊՈԱԿ-ին անհրաժեշտ բալետային հատակի ձեռքբերմանը:
Այս մասին հայտնում են ՀՀ ԿԳՄՍ նախարարության հասարակայնության հետ կապերի և տեղեկատվության վարչությունից։
Համաձայն հիմնավորման՝ թատրոնի բալետային թատերախմբի բնականոն գործունեության ապահովման համար կարևոր է որակյալ բալետային հատակի ապահովումը փորձասենյակներում և բեմում, ինչը պայմաններ կստեղծի ստեղծագործական անձնակազմի աշխատանքի բարելավման համար։ Բեմահարթակի և բալետային փորձասենյակների հատակի ծածկույթը չի համապատասխանում բալետային ներկայացումների, փորձերի անցկացման և ցուցադրությունների համար սահմանված միջազգային ստանդարտներին, ինչը խոչընդոտում է բալետային թատերախմբի աշխատանքների պատշաճ կազմակերպմանը։ Բացի այդ, կարևորելով միջազգային հյուրախաղերը և նկատի ունենալով, որ համայնքային թատրոնների բեմահարթակները հարմարեցված չեն բալետային ներկայացումների ցուցադրությանը՝ ձեռքբերված պրոֆեսիոնալ հատակածածկը լայն հնարավորություն կընձեռի նաև մարզային շրջագայությունների համար:
Այսպիսով, բալետային թատերախմբի աշխատանքներն արդյունավետ և որակով կազմակերպելու, արտիստների արտադրական վնասվածքները կանխելու, հանդիսատեսին պատշաճ ներկայանալու նպատակով փորձասենյակների և բեմի համար անհրաժեշտ է ձեռք բերել միջազգային ստանդարտներին համապատասխան բալետային հատակ: Բալետային հատակի տեղադրման գործընթացը չի խաթարի թատրոնի բնականոն աշխատանքը, խաղացանկային ներկայացումները կշարունակվեն բնականոն ընթացքով, քանի որ տեղադրման գործընթացը չի ենթադրում հատակածածկույթի ապամոնտաժում, այլ վերջինս ամրացվում է առկա հատակին։
ABNews
Կառավարությունն ավելի քան 68 մլն դրամ է հատկացրել օպերայի և բալետի թատրոնի բալետային հատակի ձեռքբերմանը
Լուրեր | 2023/11/06 07:29
Տարածել
Կարդացեք նաեւ
Լուրեր | 2026/06/29 12:14
ԱրարատԲանկի ՓՄՁ վարկային պորտֆելը 2025-ին աճ է գրանցել
ԱրարատԲանկը շարունակում է օգտագործել միջազգային եւ նորագույն լավագույն տեխնոլոգիաները՝ մրցունակ վարկային պրոդուկտներ առաջարկելով ՓՄՁ հաճախորդներին և նպաստելով Հայաստանի տնտեսության զարգացմանը։Հունիսի 27-ը միկրո, փոքր և միջին ձեռնարկությունների օրն էր, որը ևս մեկ առիթ է անդրադառնալու մեր երկրի տնտեսության կառուցմանն ու բիզնեսների բարեկեցությանն ուղղված ոլորտի զարգացման արդյունքներին։Իր ռազմավարությ...
Լուրեր | 2026/06/29 12:01
Միջազգային ներդրողներին ներկայացվել են Հայաստանի մակրոտնտեսական հեռանկարներն ու բարեփոխումները
ՀՀ ֆինանսների նախարար Վահե Հովհաննիսյանը և Կենտրոնական բանկի նախագահ Մարտին Գալստյանը մասնակցել են Lion Finance Group միջազգային հեղինակավոր ընկերության կողմից կազմակերպված Investor Day հարթակին։ Ինչպես հայտնում են ՀՀ ֆինանսների նախարարությունից, այս միջոցառումը բացառիկ հարթակ է միջազգային ինստիտուցիոնալ ներդրողների ու առաջատար վերլուծաբանների հետ անմիջական շփումների, ինչպես նաև Հայաստանի մակրոտնտ...
Լուրեր | 2026/06/29 11:57
Ինչպես է անոմալ շոգ եղանակը հարվածում Եվրոպայի տնտեսությանը
«Ծայրահեղ շոգն ի հայտ է գալիս որպես կառուցվածքային տնտեսական ռիսկ, ընդ որում՝ Եվրոպան խիստ խոցելի դիրքում է», - նշում են եվրոպական խոշորագույն Allianz ապահովագրական ընկերության առևտրային վարկավորման ստորաբաժանման վերլուծաբանները, մինչ մայրցամաքը «այրվում է» այս տարվա արդեն երկրորդ ջերմային ալիքի ներքո։Փորձագետների դիտարկմամբ՝ Եվրոպան ունի մի շարք թույլ կողմեր՝ բնակչության ծերացումը, խիտ բնակեցված...
Լուրեր | 2026/06/29 11:49
Եվրոպայում անոմալ շոգից մեկ շաբաթում ավելի քան 1,300 մարդ է մահացել
Անցած մեկ շաբաթվա ընթացքում Եվրոպայում հաստատված ծայրահեղ շոգ եղանակը հանգեցրել է մարդկային զանգվածային կորուստների և ենթակառուցվածքային լուրջ խնդիրների։ Առողջապահության համաշխարհային կազմակերպության (ԱՀԿ) գլխավոր տնօրեն Թեդրոս Ադհանոմ Գեբրեյեսուսը X-ի իր պաշտոնական էջում հայտնել է, որ հունիսի 21-ից ի վեր մայրցամաքում գրանցվել է բարձր ջերմաստիճանների հետ կապված ավելցուկային մահացության ավելի քան 1...