ՀՀ կառավարությունը նպատակ ունի նվազեցնել տեխնոլոգիական և ինժեներական ոլորտի ընկերությունների համար ավելորդ վարչարարական և ֆինանսական բեռը։
Այս հարցին անդրադարձ կատարվեց սեպտեմբերի 26-ի նիստում, երբ ընդունվեց մի նախագիծ, որի նպատակն է իրավական հիմքեր ստեղծել արդեն իսկ փորձաքննություն անցած և երկակի կամ ռազմական նշանակության չհամարվող ապրանքների ցանկի հրապարակման համար։ Նախագիծը նախատեսում է նաև մաքսային ձևակերպումների դյուրացում՝ հիմնվելով այդ ցանկի վրա։
ՀՀ բարձր տեխնոլոգիական արդյունաբերության նախարար Մխիթար Հայրապետյանի խոսքով՝ ռազմական նշանակության ապրանքների ներմուծումն ու երկակի նշանակության ապրանքների արտահանումը ենթադրում են հատուկ լիցենզիաների ստացում, իսկ պարզելու համար՝ արդյոք տվյալ ապրանքը պատկանում է նշված խմբերին, տնտեսվարողները դիմում են փորձաքննության։ Սակայն հաճախ պարզվում է, որ ապրանքները ռազմական կամ երկակի նշանակության չեն, ինչը հանգեցնում է ավելորդ ֆինանսական և վարչական ծախսերի՝ մաքսային ձևակերպումների համար։
Հաշվի առնելով, որ շատ դեպքերում ներմուծվում են նույն տեսակի ապրանքներ, ՊԵԿ-ը արդեն իսկ հրապարակում է երկակի կամ ռազմական նշանակության չհամարվող ապրանքների ցանկը։ Սա մեծապես դյուրացնում է մաքսային գործընթացները, սակայն մինչև այժմ չկար իրավական ամրագրում այն մասին, թե ինչ սկզբունքով է կազմվում այդ ցանկը, ինչպես է այն թարմացվում և ինչ հետևանքներ է ունենում ապրանքի՝ ցանկում ներառումը։
Նոր նախագծով նպատակ է դրվում այդ գործընթացների կանոնակարգումը՝ ստեղծելով հստակ իրավական հիմքեր, ինչը կնվազեցնի հավելյալ վարչարարական և ֆինանսական ծախսերը, հատկապես տեխնոլոգիական ոլորտի ընկերությունների համար։
ABNews
Կառավարությունը հեշտացնում է ներմուծումն ու արտահանումը՝ խնայելով ընկերությունների ծախսերը
Լուրեր | 2024/09/26 08:16
Տարածել
Կարդացեք նաեւ
Լուրեր | 2026/10/20 17:28
Կիբեռհանցագործության դեմ պայքարն ընդհանուր առաջնահերթություն է ԱՄՆ–ի և Հայաստանի համար. ԱՄն դեսպանություն (տեսանյութ)
Կիբեռհանցագործության դեմ պայքարն ընդհանուր առաջնահերթություն է Միացյալ Նահանգների և Հայաստանի համար։ Այս մասին հաղորդագրություն է տարածել Հայաստանում ԱՄՆ դեսպանությունը։«Առաջատար տեխնոլոգիաների, մասնագիտացված սարքավորումների և ամերիկյան փորձագիտական աջակցության միջոցով Միացյալ Նահանգներն օգնում է Հայաստանի իրավապահ մարմիններին՝ ամրապնդելու քննչական կարողությունները, պայքարելու անդրազգային կիբեռհան...
Լուրեր | 2026/10/20 17:09
2,78 մլն դրամի տուգանքներ ու կասեցված գործունեություններ Գեղարքունիքում և Լոռիում. ԲԸՏՄ
2.78 մլն դրամի տուգանքներ ու կասեցված գործունեություններ Գեղարքունիքում և Լոռիում: Այս մասին հայտնում են ԲԸՏՄ-ից:Բնապահպանության և ընդերքի տեսչական մարմնի աշխատակիցները Գեղարքունիքի և Լոռու մարզերում արձանագրել են բնապահպանական օրենսդրության պահանջների խախտումներ։Գեղարքունիքի մարզի Մարտունի համայնքի Գեղհովիտ բնակավայրում «ՄԵՐ ՔԱՐԵՐ» ՍՊԸ-ն ընդերքօգտագործման իրավունքով իրեն պատկանող «Մարտունու բազալ...
Լուրեր | 2026/10/20 16:24
Անդամակցության կասեցման դեպքում Հայաստանը կզրկվի ազատ առևտրի ռեժիմից․ ԵԱՏՄ զեկույց
Եվրասիական միջկառավարական խորհրդի պատրաստած հատուկ զեկույցում ներկայացվել են ԵԱՏՄ պայմանագրի գործողությունը Հայաստանի նկատմամբ դադարեցնելու կամ կասեցնելու հնարավոր իրավատնտեսական հետևանքները։ Փաստաթղթի համաձայն՝ ԵԱՏՄ-ից դուրս գալու դեպքում Հայաստանը ավտոմատ կերպով կզրկվի Միության գործընկեր երկրների՝ Իրանի, Արաբական Միացյալ Էմիրությունների (ԱՄԷ), Սերբիայի, Վիետնամի և Մոնղոլիայի հետ գործող ազատ առևտ...
Լուրեր | 2026/10/20 16:20
TRIPP+ հիմնադրամի ղեկավար Սոկոլովը մտադիր է Հայաստանից պղնձի արտահանումն ուղղել դեպի ԱՄՆ. Bloomberg
Ամերիկացի ներդրող Կոնստանտին Սոկոլովը, որը ղեկավարում է TRIPP նախագծի հետ կապված TRIPP+ հիմնադրամը, նախատեսում է ընդլայնել ներդրումները Հայաստանի պղնձի արդյունաբերությունում և հաջորդ տարվանից Թեղուտի հանքավայրի արտադրանքն արտահանել ԱՄՆ՝ Չինաստանի փոխարեն։ Այս մասին նա հայտնել է Bloomberg-ին տված հարցազրույցում:Ամերիկյան Dynamic Frontier ներդրումային ընկերությունը, որը սեպտեմբերին ձեռք է բերել Հայա...